TİA.AZ xəbər verir ki, Mingəçevir Dövlət Dram Teatrı ötən gün məşhur rus yazarı N.V.Qoqolun “Müfəttiş” pyesi üzrə hazırlamış olduğu tamaşanın premyerasını gerçəkləşdirib.
TİA.AZ xəbər verir ki, Mingəçevir Dövlət Dram Teatrı ötən gün məşhur rus yazarı N.V.Qoqolun “Müfəttiş” pyesi üzrə hazırlamış olduğu tamaşanın premyerasını gerçəkləşdirib. 
Quruluşçu rejissor sənətşünaslıq üzrə fəlsəfə doktoru, teatrın baş rejissoru Xəzər Gəncəlinin hazırlamış olduğu tamaşada “kimdir müfəttiş” sualının cavabı araşdırılır və müfəttişin bizim yatıb uyuyan vicdanımız olduğu və onun günlərin birində bizləri məhşəl ayağına çəkəcəyi fikri vurğulanır. Məhşəl ayağına çəkilib qorxunc aqibətlə qarşı-qarşıya qalmamanın başlıca yolu isə həyatımızın erkən çağlarında özümüzü təftiş etmək və bu təftişi həyatımızın qürub çağına buraxmamaqdır. Bəli, həyatımızın əvvəlində müfəttiş ola bilməliyik ki, özünü cilovlaya bilməyən ehtiraslarımızı boğa bilək, mənəviyyatımızda olanı-bitəni təfərrüatı ilə gözdən keçirək amma bu şərtlə ki, bu müfəttiş həqiqi müfəttiş olsun, daha Xlestakov kimi yalançı bir müfəttiş deyil. Yalançı vicdanı içimizdən atağın, özümüzə Xlestakovun gözü ilə deyil, həqiqi müfəttişin gözü ilə baxmalıyıq.
Məşhur yazar öz müasirlərinə kənardan özlərinə baxmaq üçün şərait yaratmış hansı əsrdə yaşadıqlarından asılı olmayaraq bütün mənfi xarakterləri səhnəyə çıxarmaqla yaltaqlığı, tənbəlliyi, rüşvətxorluğu göstərməyə çalışmışdır. Əsərdə olduğu kimi tamaşanında əsas qəhrəmanı qorxudur. “Müfəttiş gəlir…” sözündən sonra təzahür edən qorxu!. Bu elə bir hissdir ki, hadisədən hadisəyə inkişaf edərək əsərin qəhrəmanlarını tamaşanın finalında iflic vəziyyətinə salır. Bəli, bu o qorxu hissidir ki, o dövrlər üçün qolları biləkdən dirsəyə qədər qana batmış natəmiz məmurlara çox yaxşı məlumdur.
Tamaşanın bədii tərtibatı – Səbinə Həsənova, geyim üzrə rəssam – Zöhrab Salamzadə, Musiqi tərtibatı – Elnur Rəsulovundur.
Tamaşada bütün aktyor heyəti iştirak edir.
