MTN-nin keçmiş generalı və polkovniki 50 000 ziyan ödəyəcək – İş adamı məhkəmədə qalib gəldibackend

MTN-nin keçmiş generalı və polkovniki 50 000 ziyan ödəyəcək – İş adamı məhkəmədə qalib gəldi

  • whatsapp
  • messenger
  • telegram
  • vkontakte
  • odnoklassniki
“MTN işi”ndə zərərçəkmiş qismində tanınan iş adamı Orxan Abdullayevin Milli Təhlükəsizlik Nazirliyinin (MTN) İstintaq Baş İdarəsinin keçmiş rəisi Mövlam Şıxəliyevə və onun keçmiş müavini, eyni zamanda 1-ci şöbənin sabiq rəisi Yasin Məmmədova qarşı mülki iddiası təmin edilib.
Qaynarinfo xəbər verir ki, Orxan Abdullayev Səbail Rayon Məhkəməsində qaldırdığı iddiasında Mövlam Şıxəliyev və Yasin Məmmədovun qurama ittihamları ilə saxlanıldığını və barəsində həbs-qətimkan tədbiri seçildiyini bildirib. İş adamı əlavə edib ki, bundan sonra adıçəkilən şəxslər onun atasından 50 000 manat alaraq barəsindəki həbs qətimkan tədbirini başqa yerə getməmək barədə iltizam qətimkan tədbiri ilə əvəz edib.
“MTN işi” çərçivəsində Mövlam Şıxəliyev və Yasin Məmmədov həbs edildikdən sonra Orxan Abdullayev zərərçəkmiş qismində tanınıb. İş adamı iddiasında Mövlam Şıxəliyev və Yasin Məmmədovun atasından aldığı 50 000 manatın adıçəkilən şəxslərdən onun xeyrinə tutulması barədə barədə qətnamə qəbul edilməsini istəyib.
Hakim İlkin Rüstəmlinin sədrliyi ilə keçirilən iclasda iş üzrə materiallar araşdırıldıqdan sonra Orxan Abdullayevin iddiası təmin edilib. Qətnaməyə əsasən, Mövlam Şıxəliyev və Yasin Məmmədov iş adamına dəymiş ziyan olaraq 50 000 manat və 240 manat dövlət rüsumunun əvəzini ödəməlidir.
Xatırladaq ki, Bakı Hərbi Məhkəməsinin hökmü ilə Mövlam Şıxəliyev 12 il, Yasin Məmmədov isə 10 il 6 ay azadlıqdan məhrum edilib. Bakı Apellyasiya Məhkəməsi hökmü qüvvədə saxlayıb.