Futbol üzrə Azərbaycan millisinin AVRO-2024-ün seçmə mərhələsində Avstriya seçməsi ilə keçirəcəyi ev oyununun stadionu müəyyənləşib.
Tribunainfo.az AFFA-nın Mətbuat xidmətinə istinadən xəbər verir ki, görüş oktyabrın 16-da Tofiq Bəhramov adına Respublika stadionunda təşkil olunacaq.
Qarşılaşma saat 20:00-da başlayacaq.
Qeyd edək ki, F qrupunda yer alan Azərbaycan millisi ilk üç oyunda 1 xal toplayıb. Canni De Byazinin yetirmələri I turda səfərdə Avstriyaya 1:4 hesabı ilə məğlub olub.
Xatırladaq ki, millimiz sonuncu dəfə 2017-ci il iyunun 11-də sözügedən stadionda meydana çıxmışdı. DÇ-2018-in seçmə mərhələ oyunu çərçivəsində təşkil olunmuş matçda komanda Şimali İrlandiyaya 0:1 hesabı ilə uduzmuşdu.
