İspaniyanın “Barselona” klubunun futbolçusu Lionel Messi istedadını stolüstü tennisdə də göstərib.
“Report”un məlumatına görə, reklam çəkilişi zamanı argentinalı hücumçu su qabı üzərində dayanan pinq-ponq topunu dəqiq hədəf alıb. Hərəkəti lazımınca yerinə yetirmək üçün ona 2 zərbə kifayət edib.
Qeyd edək ki, bu mövsüm Lionel Messi “Barselona”nın heyətində La Liqada 24 oyuna 25 qol və 13 məhsuldar ötürmə müəllifi olub. Hazırda Kataloniya təmsilçisi 60 xalla liderdir.
