“İnter Mayami” klubunun argentinalı futbolçusu Lionel Messi Fort Lauderdeyldə (Florida, ABŞ) malikanə alıb.
Tribunainfo.az xəbər verir ki, bu barədə “Forbes” məlumat yayıb.
Nəşrin məlumatına görə, futbolçunun aldığı əmlakın dəyəri 10,75 milyon dollardır. Evin 975 kvadratmetr sahəsi, 9 vanna, 8 yataq otağı, 3 avtomobil üçün qarajı və hovuzu var.
Qeyd olunur ki, ərazi bənddə yerləşir və estakadaya çıxışı var. Malikanədə spa və fitness mərkəzi yerləşir. Belə daşınmaz əmlakın illik vergisi 83,4 min dollar təşkil edir.
