Məşhur Foo Fighters qrupunun gitara ifaçısı Deyv Qrohl Instaqram səhifəsində milyonlarla izləyicisinə qadağan olunmuş sevgisini etiraf edib.
Tribunainfo.az Hürriyet-ə istinadən xəbər verir ki,2003-cü ildən Jordyn Blum ilə evli olan 55 yaşlı Qrol dünən sosial şəbəkədəki paylaşımında həyat yoldaşını aldatdığını və bir qızı olduğunu açıqlayıb.
Qrol yazısına “Bu yaxınlarda nikahdankənar münasibətdən bir qız uşağım oldu”, – sözləri ilə başladı.
O, daha sonra əlavə etdi: “Ona mehriban və dəstək olan bir ata olmağı planlaşdırıram. Həyat yoldaşımı və uşaqlarımı sevirəm. İndi də onların etibarını qazanmaq və onlar tərəfindən bağışlanmaq üçün hər şeyi edirəm”.
