Yeni Azərbaycan Partiyasının (YAP) 74 saylı Masallı şəhər seçki dairəsindən namizəd Məşhur Məmmədovun təbliğat-təşviqat kampaniyası davam edir. Təşviqat mərhələsi çərçivəsində növbəti görüş Masallı rayonunun Qızılağac bələdiyyə binasının həyətində kəndin seçiciləri ilə keçirilib.
Tribunainfo.az xəbər verir ki, görüşü giriş sözü ilə açan Yeni Azərbaycan Partiyasının Masallı rayon təşkilatının sədri Seyfəddin Əliyev Yeni Azərbaycan Partiyasının ölkəmizdə keçirilən seçkilərdə yüksək fərqlə qələbə qazanmaq əzmində olduğunu bildirib.
M.Məmmədov seçicilərə fəaliyyəti, platforması barədə məlumat verərək bildirib ki, sosial-iqtisadi sektor üzrə regionların davamlı inkişafının təmin edilməsi Azərbaycanın qarşısında qoyduğu əsas hədəflərdən biridir. Ölkəmizin digər şəhər və rayonlarında olduğu kimi Masallı rayonunda da bu istiqamətdə geniş tədbirlər həyata keçirilib və tədbirlər davam edir.
Təbliğat-təşviqat kampaniyası çərçivəsində seçicilər dövlətin həyata keçirdiyi tədbirlərdən razılığını bildirib. Məşhur Məmmədov dövlətin inkişafında seçkilərin mühüm rol oynadığını qeyd edərək seçicilərin sentyabrın 1-də yüksək fəallıq göstərəcəklərinə və seçki məntəqələrinə gedib öz istədikləri namizədə səs verəcəklərinə əminliyini ifadə edib.
Adil
