74 saylı Masallı Seçki Dairəsindən deputatlığa namizəd Məşhur Məmmədov Masallı rayonunun Mahmudavar, Rüdəkənar, Molalan kəndlərinin seçiciləri ilə görüş keçirib.
Tribuninfo.az xəbər verir ki, təbliğat-təşviqat görüşləri çərçivəsində gələcək planlar barəsində danışılıb:
“2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat görüşləri davam edir. Təbliğat-təşviqat görüşləri mərhələsi çərçivəsində avqustun 12-də Masallı rayonunun Mahmudavar kəndində yerləşən “Elçin” şadlıq sarayının həyətində Mahmudavar, Rüdəkənar, Molalan kəndlərinin seçiciləri ilə görüş keçirdik.
Yeni Azərbaycan Partiyasının hər zaman xalqın inam və etimadını layiqincə doğrultduğunu, xalqın rifah halının yaxşılaşmasına, dövlətin inkişafına müstəsna töhfələr verdiyini diqqətə çatdırdıq.
Ənənəmizə sadiq qalaraq kəndin şəhid ailələri və müharibə iştirakçılarını da unutmadıq”.
Roman
