Azərbaycan Respublikası Milli Məclisinə sentyabrın 1-də keçiriləcək növbədənkənar seçkilərdə Yeni Azərbaycan Partiyasının (YAP) 74 saylı Masallı şəhər seçki dairəsindən namizəd Məşhur Məmmədovun təbliğat-təşviqat kampaniyasız davam edir. Təşviqat mərhələsi çərçivəsində növbəti görüş Masallı rayonunun Yeddioymaq kənd bələdiyyə binasının həyətində İkinci Yeddioymaq, Birinci Yeddioymaq, Qasımlı kəndlərinin seçiciləri ilə keçirilib.
Tribunainfo.az xəbər verir ki, əvvəlcə kəndin Şəhidlər Xiyabanında Vətən yolunda canından keçən qəhrəmanlarımızın xatirəsi yad edilib.
Görüşdə seçiciləri səmimiyyətlə salamlayaraq ölkəmizdə cənab Prezident İlham Əliyevin rəhbərliyi ilə əldə olunan uğurlar barədə məlumat verilib. M.Məmmədov aparılan uğurlu siyasət nəticəsində ölkəmizin ərazi bütövlüyünün və suverenliyinin bərpasından sonra Yeni Dövrün başlandığını, zamanın tələbinə uyğun olaraq Azərbaycanın qarşısında yeni vəzifələrin, yeni hədəflərin dayandığını söyləyib. Bildirib ki, yeni mərhələdə də ölkəmiz cənab Prezident İlham Əliyevin qətiyyəti, xalqımızın həmrəyliyi ilə uğurlu və dinamik inkişafı davam edəcək.
Görüşdə çıxış edən seçicilər YAP-ın ölkənin rifahı naminə fəaliyyətini hər sahədə hiss etdiyini, sabitliyin qarantı olduğunu qeyd edərək sentyabrın 1-də keçiriləcək seçkilərdə YAP-ın namizədini dəstəkləyəcəklərini vurğulayıblar.
Adil
