Azərbaycanla bağlı səhnələri etirazla qarşılanan “Rəcəb İvedik 5” filminin məhkəmə prosesi başa çatıb.
Azərbaycanla bağlı səhnələri etirazla qarşılanan “Rəcəb İvedik 5” filminin məhkəmə prosesi başa çatıb.
Kult.az xəbər verir ki, məhkəmə bir Türkiyə vətəndaşının filmdə türk millətinin təhqir edilməsi iddiasını əsassız hesab edib.
İstanbul Respublika Prokurorluğu istintaq tədbirlərindən sonra filmdə türk millətinə qarşı hər hansı bir təhqir motivinin olmadığına qərar verib. Filmin müəllifi və baş rol ifaçısı Şahan Gökbakar ifadəsində “Rəcəb İvedik 5”-də türk millətinin gücünü göstərdiyini bildirib.
Qeyd edək ki, “Rəcəb İvedik 5” filminin treylerində Rəcəb İvedikin (Şahan Gökbakar) rinqə çıxdığı azərbaycanlı boksçunu bir yumruğu ilə yerə sərdiyi səhnə hər iki ölkədə birmənalı qarşılanmamışdı. Etirazlardan sonra Şahan Gökbahar boks səhnəsinin filmdən çıxarıldığını açıqlamışdı.
