Argentinada məhbuslar 2018 Dünya Çempionatına baxmalarına icazə verilməsi üçün aclıq aksiyası keçirirlər.
Modern.az “Sovetskiy Sport”a istinadən xəbər verir ki, hadisə Argentinanın Puerto-Madrin şəhər həbsxanasında baş verib.
“Publimetro” nəşrinin məlumatına görə həbsxanada artıq 3 gündür ki, televiziya kabeli zədələnib. Müəssisənin əməkdaşları isə onu təmir etmək istəmirlər.
“Biz bu problemin həllinə qədər günorta və axşam yeməklərindən imtina etmək qərarı qəbul etmişik” – məhbuslar bəyan ediblər.
Şəhər məhkəməsi bu işə baxmaqdan imtina edib.
Qeyd edək ki, Argentina yığması D qrupunda İslandiya, Xorvatiya və Nigeriya ilə qarşılaşacaq.
