Rusiya Müdafiə Nazirliyi bildirib ki, MDB ölkələrinin, o cümlədən Ermənistan və Azərbaycanın nümayəndə heyətləri Tulaya toplaşıb.
Tribunainfo.az xəbər verir ki, Nümayəndə heyətlərinin başçıları qarşılıqlı maraq doğuran hərbi və hərbi-texniki əməkdaşlığın bir sıra məsələlərini müzakirə edəcəklər.
Qeyd olunur ki, 8 ölkənin müdafiə nazirliklərinin nümayəndə heyətlərinin rəhbərləri Birliyə üzv dövlətlərin Müdafiə Nazirləri Şurasının sentyabrın 29-da keçiriləcək iclasında iştirak etmək üçün Tulaya gəliblər.
Görüş zamanı qarşılıqlı maraq doğuran bir sıra hərbi və hərbi-texniki əməkdaşlıq məsələləri müzakirə olunacaq. Dünyada yaranan hərbi-siyasi vəziyyətlə bağlı fikir mübadiləsi aparılacaq.
Rusiya, Ermənistan, Belarus, Qazaxıstan, Qırğızıstan, Tacikistan, Özbəkistan və Azərbaycanın müdafiə nazirliklərinin nümayəndə heyətləri Tulaya gəlib.
