Gürcüstan prezidenti Giorgi Marqvelaşvili bu il oktyabrın 28-də keçiriləcək prezident seçkiləri ilə bağlı qərarını açıqlayıb.
Virtualaz.org yerli KİV-ə istinadən bildirir ki, G.Marqvelaşvili prezident seçkilərində iştirak etməyəcəyini bildirib.
Dövlət başçısı deyib ki, seçkilərdə iştirak etməsə də, Gürcüstana başqa formada xidmət etməkdə davam edəcək.
Qeyd edək ki, G.Marqvelaşvili 2013-cü ilin oktyabrında Gürcüstan prezidenti seçilib.
Onu da qeyd edək ki, prezidentliyə indiyədək 35 nəfərin namizədliyi irəli sürülüb. Amma hələlik yalnız 3 nəfərin namizədliyi qeydə alınıb.
