Argentinalı diplomat Rafael Mariano Qrossi 2019-cu il dekabrın 3-də MAQATE-nin rəhbəri vəzifəsinə təyin edilib. Onun səlahiyyət müddətinin uzadılması ilə bağlı qərar qəbul edilib.
Tribunainfo.az xəbər SputnikArmeniya-ya istinadən xəbər verir ki, Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov bildirib ki, MAQATE-nin Rəhbərlər Şurası Rafael Qrossini ikinci müddətə, 2027-ci il dekabrın 2-dək agentliyin baş direktoru təyin edib.
Xatırladaq ki, argentinalı diplomat Rafael Mariano Qrossi (1961-ci il təvəllüdlü) 2019-cu il dekabrın 3-də MAQATE-nin rəhbəri vəzifəsinə təyin edilib. Bundan əvvəl o, Argentinanın Avstriya, Sloveniya, Slovakiya və Vyanadakı beynəlxalq təşkilatlarda səfiri olub.
