Dünya şöhrətli azərbaycanlı alim Lütfi Zadənin dəfni ilə bağlı hazırlıqlar başa çatıb.
Dünya şöhrətli azərbaycanlı alim Lütfi Zadənin dəfni ilə bağlı hazırlıqlar başa çatıb. Alimin I Fəxri xiyabandakı məzarı artıq hazırdı. Lütfi Zadənin nəşinin ölkəyə gətirələcəyi tarix hələki müəyyənləşməyib.
Lütfi Zadənin dəfni üçün bütün hazırlıqlar başa çatıb. görkəmli alim I Fəxri xiyabanda dəfn olunacaq. Onun Fəxri xiyabandakı məzarı da qazılıb və hazır vəziyyətdədir.
Bakı Şəhər İcra hakimiyyəti Mənzil-Kommunal Təsərrüfat Departamenti əhaliyə vətəndaşlıq trestinin baş mühəndisi “XəzərXəbər”ə bildirdi ki, Lütfi Zadənin dəfni üçün məzarlıqda bütün hazırlıq işlərini bitiriblər. Hətta dəfn zamanı məzarın üzərinə qoyulacaq alimi portreti də hazırdır. Ancaq hələ ki alimin nəşini gətirələcəyi tarix bəlli deyil.
Milli Elmlər Akademiyasının vitse-prezidenti, millət vəkili İsa Həbibəyli isə “Xəzər Xəbər”ə bildirdi ki, görkəmli alimlə vida mərasimi dövlət səviyyəsində təşkil olunacaq və dəfn üçün akademiya bütün hazırlıq işlərini görüb. Yalnız alimin nəşinin Azərbaycana gətirələcəyi vaxtı gözləyirlər.
Qeyd edək ki, qeyri-səlis məntiq nəzəriyyəsinin banisi olan və dünya elminə əvəzsiz töfhələr vermiş azərbaycanlı alim Lütfi Zadə sentyabrın 6-da 97 yaşında vəfat edib.
