80 saylı Lerik-Astara seçki dairəsindən bitərəf namizəd Vasif Qafarov deputat olub. Tribunainfo.az bildirir ki, bu dairə ən sönük yerlərdən sayılırdı və kimin deputat olacağı bəlli deyildi.
Çünki namizədlər ictimaiyyətdə tanınmırdılar. Elə Vasif Qafarov da cəmiyyətə tanış sima deyil. Vasif Vaqif oğlu Qafarov 1982-ci il yanvar ayının 25-də Lerik rayonunun Cəngəmiran kəndində anadan olub. 2003-cü ildə Tarix fakültəsinin bakalavr pilləsini, 2005-ci ildə isə magistratura pilləsini fərqlənmə diplomları ilə bitirib. 2006-2009-cu ildə BDU-nun Tarix fakültəsinin əyani doktorantı olub, 2009-cu ildə “Şimali Azərbaycan məsələsi Rusiya-Türkiyə münasibətlərində (1917-1922)” mövzusunda dissertasiya müdafiə edərək tarix üzrə fəlsəfə doktoru elmi dərəcəsini almışdır. Azərbaycan Respublikasının Prezidenti yanında Ali Attestasiya Komissiyasının 25 aprel 2017-ci il tarixli qərarı ilə dosent elmi adını almışdır.
Vasif Qafarov 2013-cü ildən, eyni zamanda AMEA A.A.Bakıxanov adına Tarix İnstitutunun “Azərbaycan Xalq Cümhuriyyəti tarixi” şöbəsində yarımştat vahidi üzrə aparıcı elmi işçi vəzifəsində çalışmış, 2017-ci ilin sentyabrından etibarən isə Tarix İnstitutunda adı çəkilən şöbədə tam ştat vahidi üzrə aparıcı elmi işçi vəzifəsində çalışmaqdadır. Tarix İnstitutunda fəaliyyət göstərən elmi seminarın və institutun Gənc alimlər və mütəxəssislər Şurasının üzvüdür.
Əhəd
