Lənkəran Rayon Mərkəzi Xəstəxanasına qarşı qaldırılan pensiya təminatı üzrə məhkəmə mübahisəsi davam edir. Ötən ilin mart ayından başlayan proseslə bağlı növbəti iclas fevral ayının 25-də keçiriləcək.
Tribunainfo.az xəbər verir ki, işin mahiyyəti inzibati orqanların aktları və hərəkətləri (hərəkətsizliyi) ilə əlaqədar mübahisələr. Adı çəkilməyən iddiaçı ilə Lənkəran rayon Mərkəzi xəstəxanası pensiya təminatı üzrə mübahisə yaşayır.
İşlə bağlı növbəti proses fevralın 25-də Şirvan İnzibati Məhkəməsində keçiriləcək. İş hakim Amilya Hüseynovanın icraatındadır.
Qeyd edək ki, yaxınlarda Lənkəran Dövlət Yanğından Mühafizə İdarəsi Lənkəran Rayon Mərkəzi Xəstəxanasında yoxlama aparmışdı. Yoxlama zamanı xəstəxanada yanğın təhlükəsizliyi qaydalarının tələblərinin pozulması aşkar edilmiş və FHN tərəfindən xəstəxananın direktoru Ağabala Kəlbiyev barəsində İnzibati Xətalar Məcəlləsinin 518.1-ci maddəsi ilə protokol tərtib edilmişdi.
Qarşı tərəfi dinləməyə hazırıq.
Gülşən
