“Rusiya hərbi bazası Ermənistanda yerləşir, razılaşmaya əsasən, onun respublika ərazisində məqsədəuyğunluğundan danışmaq zərərlidir”. Tribunainfo.az xəbər verir ki, bunu TASS-a eksklüziv müsahibəsində Rusiyanın xarici işlər naziri Sergey Lavrov deyib.
“Biz Rusiyanın 102-ci hərbi bazasının Ermənistan ərazisində yerləşdirilməsinin məqsədəuyğunluğu ilə bağlı müzakirələri zərərli hesab edirik. Onun orada yerləşdirilməsi haqqında saziş 1995-ci il martın 16-da imzalanıb, ilk növbədə milli maraqlara və dövlətlərimizin Cənubi Qafqazda sabitliyin möhkəmləndirilməsinə dair ümumi məqsədinə əsaslanıb”, – nazir bildirib.
Lavrov qeyd edib ki, bu gün Rusiya ordusu “bu regionda sülhün təmin edilməsində əsas elementdir”.
Eyni zamanda, Lavrov onu da qeyd edib ki, İrəvan Qərbin çağırışlarına tabe olaraq, Moskva ilə müttəfiqliyini qeyri-müəyyən vədlərlə dəyişməyə çalışır.
“Təəssüf ki, rəsmi İrəvan qərblilərin nəsihətlərinə tabe olaraq, öz xarici siyasət xəttini yenidən formalaşdırmağa çalışır. Moskva ilə zamanın sınağından çıxmış müttəfiqlik Qərbdən konkret yardım deyil, yalnız qeyri-müəyyən vədlər mübadiləsi aparır”, – diplomatik idarənin rəhbəri bildirib.
“Strateji dönüşün gedişinə haqq qazandırmaq üçün respublikanın bütün bədbəxtliklərinə, o cümlədən Qarabağın itirilməsinə görə Rusiyanı günahlandırmağa çalışırlar. Biz dəfələrlə Rusiyanın narahatlığı barədə ictimaiyyətə danışmışıq. İndi Ermənistan hakimiyyətinin qeyri-dost addımlarını bir daha sadalamağın mənası yoxdur”, – Lavrov əlavə edib.
