“Barselona”nın prezidenti Joan Laporta rəhbərlik etdiyi klubu əzəli rəqib “Real Madrid”lə müqayisə edib.
Klub funksioneri kataloniyalıların həm komanda kimi, həm də fərdi cəhətdən üstün olduğunu deyib.
“Marca” Laportanın sitatını belə təqdim edib: “İndi bizim “Real Madrid”dən daha yaxşı komandamız var və fərdi cəhətdən də rəqibdən üstünük. Hən klub rəhbəri, həm də bir azarkeş kimi, qurduğumuz komandadan çox razıyam.
Xavi İnyiqo Martines və İlkay Gündoğanı istəyirdi. Onları heyətə cəlb etdik. Artıq deyə bilərik ki, Vitor Roke ilə də müqavilə imzalanıb. Düşünürəm ki, bizə sağ cinah müdafiəçisi lazımdır və biz bunun üzərində işləyirik. Biz həm də yarımmüdafiə xəttini gücləndirmək istəyirik”.
Qeyd edək ki, “Barselona” bu mövsüm La Liqanın qalibi olub.
