KTMT-nin baş katibi İmanqali Tasmaqambetov İrəvana səfər edib.
Tribunainfo.az Sputnik Armeniya-ya istinadən xəbər verir ki, o, ölkənin ali rəhbərliyi ilə görüşlər planlaşdırıb.
Tasmaqambetov 2023-cü il yanvarın 1-də vəzifəsinin icrasına başlayıb. Ermənistana səfər əvvəlcədən işlənib, lakin İrəvanın Təşkilatla münasibətlərində gərginlik dövrünə təsadüf edib.
Xatırladaq ki, martın 10-da məlum olub ki, Ermənistan müvafiq qaydada KTMT-nin baş katibinin müavini kvotasından imtina etmək üçün KTMT-yə müraciət edib. Yanvarın əvvəlində Ermənistanın baş naziri Nikol Paşinyan bildirib ki, Ermənistan öz ərazisində KTMT-nin Çevik Reaksiya Kollektiv Qüvvələrinin “Sarsılmaz Qardaşlıq-2023” hərbi təlimlərinə ev sahibliyi etməkdən imtina edib.
KTMT-yə Rusiya, Ermənistan, Belarus, Qazaxıstan, Qırğızıstan və Tacikistan daxildir.
