Kremldə Çeçenistan rəhbəri Ramzan Kadırovun mümkün xəstələnməsi barədə məlumat yoxdur, həmçinin Kadırovun Rusiya Federasiyasının prezidenti Vladimir Putinlə görüşdüyü iddia edilən məlumatı təkzib edib.
Tribunainfo.az xəbər verir ki, bu barədə Rusiya prezidentinin mətbuat katibi Dmitri Peskov məlumat verib.
“Bizim heç bir məlumatımız yoxdur. Hər halda prezidentin aparatı onun səhhətinin vəziyyəti ilə bağlı çətinliklə məlumat verə bilir. Ona görə də burada deməyə sözümüz yoxdur”, – Peskov jurnalistlərə Kremlin Kadırovun vəziyyətindən nə dərəcədə narahat olduğu sualına cavab verib.
Bundan əlavə, Peskov Kadırovun bazar günü, ehtimal ki, Putinlə görüşmək üçün Moskvaya getdiyi iddia edilən xəbərə münasibət bildirib. “Putinlə heç bir görüş olmayıb”, – deyə Peskov cavab verib.
Bundan əvvəl müxtəlif Telegram kanallarında və KİV-də Kadırovun gecə saatlarında Kremlin İnzibati Departamentinin Mərkəzi Klinik Xəstəxanasında öldüyü barədə təsdiqlənməmiş məlumatlar yayılıb.
Onun ağır xəstəliyi ilə bağlı xəbərlər yayılmışdı. Bunun fonunda Kadırov bazar günü gəzintisinin videosunu dərc edib və reallığı şayiələrdən ayırmaq üçün təmiz hava ilə nəfəs almağı tövsiyə edib.
