Astma tutmasından sonra komaya düşən və ruhlar aləminə getdiyini deyən qadının sözləri dünya mediasının gündəminə çevrilib.
Tribunainfo.az Milliyet-ə istinadən xəbər verir ki, 24 yaşlı Mariandri Kardenas uzun illər astma ilə mübarizə aparan gənc qadın idi. Bu yaxınlarda yenidən astma tutması keçirən Kardenas dərmanlar kömək etmədiyi üçün xəstəxanaya yerləşdirilib.
Xəstəxanada aparılan müayinələr nəticəsində gənc qadının ağciyərlərinin çökmək üzrə olduğu görülüb və o, dərhal reanimasiyaya yerləşdirilib. Kardenas reanimasiyada müalicələrə cavab verməyəndə komaya düşüb.
Günlərlə komada qalan Kardenasdan həkimlər yavaş-yavaş ümidlərini itirməyə başlayarkən, gənc qadın hər kəsi şoka salaraq oyanmağı bacarıb.
Müalicəsindən sonra açıqlama verən gənc qadın komada olduğu dövrlə bağlı bunları deyib: “Artıq heç nə eşitmirdim və bədənim reaksiya vermirdi. Ən son eşitdiyim bir adamdan “bizi tərk etdi” cümləsi oldu. Tibb bacısı və ya həkim idi. Və bir göz qırpımında mən mövcud deyildim, tamamilə fərqli idi. Mən bir yerə gəlmişdim”, – dedi və əlavə etdi: “Mən işıqla dolu, lakin günəş, ay və ulduzsuz bir yerdə, indiyə qədər görmədiyim yeməklərlə dolu, artıq insan bədəni olmayan, ancaq ruh olan insanlarla dolu uzun masada oturmuşdum. Heç kim bir-biri ilə danışmırdı. Səslə deyil, telepatiya ilə danışırdıq”.
3 saat Allahla danışdığını iddia edən Kardenas açıqlamalarına davam edərək, “Getdiyim yerdə işıqdan yaranan ən parlaq şey, (Tanrı olduğunu düşünürəm) mənə gülümsəyirdi. Üzünü görə bilmədim, amma çox xoşbəxt idi, gəlişimi qeyd etdik. Burada digər varlıqlarla birlikdə”.
Kardenas getdiyini iddia etdiyi ərazidə 3 saat qaldığını, lakin bu müddətin yer üzündə 3 günə bərabər olduğunu da iddia edib. Yerli mətbuat onu da xatırladıb ki, Kardenas qrafik dizayneri işləməklə adi həyat sürən insan olub.
