“Kərki nə qədər önəmli görünsə də, Ermənistanın təhlükəsizliyi və ərazi bütövlüyü baxımından strateji əhəmiyyət kəsb edir”.
Tribunainfo.az xəbər verir ki, bunu Ermənistan Demokratik Xalq Partiyasının sədri Aram Sarkisyan deyib.
O bildirib ki, İrəvan hakimiyyəti Kərki kəndini geri vermək qərarına gəlsə, onlar təkcə həmin ərazini deyil, Naxçıvan sərhədindən başlayaraq 12 kilometr uzunluğunda olan anklav adlanan ərazini də verəcək. “Bütün o hissə türk dünyasını birləşdirən dəhlizə çevrilir. Çünki oradan Sisiana, Meğriyə və s. yol açılır. Yəni Kərki anlayışı anklav deyil. Bu hökumət o sövdələşməsini həyata keçirsə, dəhlizin formalaşmasına start verəcək”.
