Keçi südü, yoxsa inək südü daha sağlamdır?”, “Keçi südü ilə inək südü arasında nə fərq var?
Tribunainfo.az Habertürk-ə istinadən xəbər verir ki, keçi südü və keçi südü məhsulları inək südünə alternativ olaraq birinci yerdədir. Həm süd, həm də süd məhsullarının əhəmiyyətli faydaları olsa da, hansının daha sağlam olması maraq doğuran məsələlər arasındadır.
Hər şeydən əvvəl qeyd etməliyik ki, inək südü allergiyası olan bir çox insan heç bir allergik reaksiya yaşamadan keçi südü məhsullarından istifadə edə bilər, lakin ekspertlər hələ də süd dözümsüzlüyü olan şəxslərin reaksiyaları varsa keçi südünün onlara uyğun olub-olmadığını yoxlamaq üçün test etməyi tövsiyə edirlər.
Keçi südü inək südündən daha qalın və qaymaqlı bir quruluşa malikdir. Bundan əlavə, inək südü və bitki mənşəli “süd” məhsullarından daha çox qida ehtiva edir. Nazlı Türkmenin “Keçi Südü Komponentlərinin Qida Dəyəri və Sağlamlıq Faydaları” başlıqlı məqaləsindəki məlumata görə, keçi südü daha asan həzm olunur, süd allergiyası riski azdır və ürək sağlamlığı üçün daha faydalıdır.
Keçi südü zülal, kalsium, kalium, fosfor, maqnezium və A vitamininin yaxşı mənbəyidir. Keçi südünün qida dəyərlərinə baxdığınız zaman inək südündən daha çox yağ və kaloriyə malikdir, eyni zamanda daha çox protein, vitamin və mineral ehtiva edir. Müqayisə üçün, keçi südündə inək südündən təxminən 1% az laktoza var.
