Britaniya Kolumbiyası əyalətindən şərqdəki Kvebekə qədər ölkə daxilində mindən çox eyni vaxtda baş verən yanğınlarla rekord qıran ən pis meşə yanğınları mövsümünü yaşayır.
Tribunainfo.az TRT Haber-ə istinadən xəbər verir ki, bölgədəki 30 minə yaxın evə təxliyə əmri göndərilib. Səlahiyyətlilər əlavə edib ki, “əhəmiyyətli sayda ev” alovlara qərq olub.
“Yanğın çox sürətlə gedir və qarşıdakı günlər çox çətin olacaq”, – əyalətin baş naziri Devid Ebi bildirib.
McDougall Creek-dəki yanğın 24 saat ərzində 64 hektardan 6800 hektara qədər yayılıb.
Yanğınlar səbəbindən əhalinin yarısı Kanadanın Şimal-Qərb ərazilərində təhlükəsiz bölgələrə aparılıb.
Alovlar bölgənin paytaxtı Yellounayf şəhərinin kənarına çatıb. 20 min əhalisi olan şəhərin demək olar ki, 19 min nəfəri hava və ya quru yolla evakuasiya edilib.
Fövqəladə hallara müdaxilə qrupları həmçinin Milli Hazırlıq Səviyyəsini 5-ci Səviyyəyə qaldırdılar. Ən yüksək olan bu səviyyə o deməkdir ki, ölkədəki bütün yanğınsöndürənlərin üzərinə meşə yanğınlarına cavab vermək vəzifəsi qoyulub.
Yanğınlarda indiyədək heç bir can itkisi qeydə alınmayıb, lakin xüsusilə Qərbi Kelownanın şimalındakı yaşayış məntəqələrində ciddi maddi ziyanın baş verdiyi bildirilir.
