“Eurovision-2024” mahnı müsabiqəsi İsveçin Malmö şəhərində keçiriləcək.
Tribunainfo.az bildirir ki, bu barədə tədbirin təşkilatçısı Avropa Yayım Birliyi məlumat yayıb.
Bu il isveçli müğənni Loreen “Tattoo” mahnısı ilə qalib gəldiyi üçün İsveç “Eurovision” mahnı müsabiqəsinə ev sahibliyi etmək hüququ qazanıb.
İsveç yeddinci dəfə “Eurovision”a ev sahibliyi edəcək. 68-ci dəfə keçiriləcək müsabiqənin finalı mayın 11-də, yarımfinalları isə mayın 7-də və 9-da olacaq.
