İsrailin müdafiə naziri Yoav Gallant, İsrailin Livanla şimal sərhədində müharibədə maraqlı olmadığını ifadə edərək, “Şimalda müharibə olmasında maraqlı deyilik, vəziyyəti gərginləşdirmək istəmirik” deyib.
Tribunainfo.az CNN-ə istinadən xəbər verir ki, nazirin sözlərinə görə, “Hizbullah müharibə yolunu seçsə, bu, çox baha başa gələcək. Amma özünü cilovlayarsa, vəziyyətə hörmətlə yanaşacağıq və Hər iki tərəfdən atışma olsa da, hər şey olduğu kimi davam edəcək”.
HƏMAS-ın verdiyi son açıqlamada İsrailin şimalındakı Nəhariyyə şəhərinin Livandan atılan 20 raketlə hədəf alındığı, İsrail Müdafiə Qüvvələrinin də Livandan atılan 9 raketin İsrail ərazisinə keçdiyi bildirilib. İsrail ordusu 5 raketin zərərsizləşdirildiyini, 4 raketin isə boş sahələrə düşdüyünü bildirib.
