“Əgər atam gecənin ortasında yuxudan ayılırdısa, anam bunu hiss edib və o da yuxudan ayılıb…”
Məşhur nağıldan hamımıza bu ifadə yaxşı məlumdur: “Onlar uzun müddət və xoşbəxt yaşayıb, eyni gündə dünyalarını dəyişib”.
İsraildən olan Xana və Davidlə məhz belə olub, onlar 70 ildən artıq bir müddətdə birgə yaşayıb, eyni gündəcə dünyalarını dəyişib.
Tribunainfo.az xəbər verir ki, bu barədə “vesty.co.il” nəşri yazıb.
91 yaşlı Xana və 93 yaşlı David 70 ildən artıq müddətdə nikahda olub və eyni gündə bir neçə saat fərqlə dünyalarını dəyişib.
Hər şey “Yediot Axronot” nəşrindəki matəm elanından başlayıb.
Jurnalistlər ər və arvadın nelkroloqlarındakı eyni tarixə diqqət yetirib.
Heç demə, bunun arxasında 70 ildən artıq, ər-arvadın son nəfəsinədək davam edən qəribə sevgi tarixçəsi gizlənib.
“Bizim valideynlərimiz bir-birini dəlicəsinə sevib, – bunu Xana və Davidin qızı Orna Şoval-Reqev deyib. – Onlar uzun illər qarşılıqlı anlaşma və bir-birinə hörmət hissi ilə yaşayıb.
Onlar həmişə bir dalğada olub. Əgər atam gecənin ortasında yuxudan ayılırdısa, anam bunu hiss edib yuxudan oyanardı”.
Xana və David son nəfəsinədək belə olublar. “Atam öz köməkçisi içə ticarət mərkəzi boyunca gəzişib, – Orna xatırlayır.
Bu zaman son illər ağır xəstə olan anam həyatdan köçüb. Atam o saat narahatlıq hiss edib, ürəyi bulanıb.
O, evə dönməyini istəyib. Orada ona anamın vəfat etməsi barədə məlumat verilib.
Atam başını tutaraq qışqırıb: “Mən ondan tez ölmək istəyirdim!” Bu məqamdan başlayaraq o, hey qışqırıb və inildəyib.
Biz onu xəstəxanata apardıq. Lakin onu daha heç nə xilas edə bilməzdi.
Bir neçə saatdan sonra atam dünyasını dəyişdi. Atam ona görə vəfat etdi ki, qəlbi qırılmışdı”.
Orna və qardaşı Dori eyni zamanda ata və anasını itirib. “Bu, çox kədərlidir, – Orna deyir.
Lakin mən anamın ölümünü eşidəndən sonra atamın necə dözülməz ağrı keçirdiyini görmüşəm. O, gözlərini yumanda, anladım ki, onun ruhu dinclik tapıb”.
“Onların birlikdə dünyadan köçməsindən təskinlik tapmaq olar, – Dori əlavə edib. – Onlar həmişə deyirdi ki, eyni gündə ölmək istəyir”.
