“İslam İnqilabı Keşikçiləri Korpusunun komandanı “Əl-Əqsa tufanı” əməliyyatı kimi daha bir anti-İsrail hərbi əməliyyatı başlayarsa, sionist rejim cəmi 48 saat ərzində süqut edəcək”.
Tribunainfo.az Mehr News-a istinadən xəbər verir ki, General-mayor Hüseyn Səlami cümə axşamı İranın şimalında Qəzvin şəhərində Bəsic qüvvələrinin toplantısı qarşısında çıxışı zamanı deyib: Fələstin Müqavimət qüvvələrinin oktyabrın 7-də Qəzzadan kənarda başlatdığı Əl-Əqsa tufanı əməliyyatı sübut etdi ki, sionist rejimin süqutu uzaq deyil və İsrail və ABŞ-ın qəbul etdiyindən daha asandır.
O əlavə edib ki, qəsbkar sionist rejim tərəfindən işğal edilmiş Təl-Əviv tamamilə Hizbullah və Qəzza və İordan çayının qərb sahilindəki qüvvələrin hücumlarının hədəfindədir.
General-mayor Səlami Qəzzada atəşkəs rejimini İsrail ordusunun məğlubiyyəti və məyusluğu nəticəsində səciyyələndirərək bildirib ki, atəşkəs müddəti bitdikdən sonra istənilən müharibə yalnız bombardmanla məhdudlaşacaq, çünki sionist ordu qurudan hücuma davam etmək iqtidarında deyil.
