Süni intellektin yüksəlişi bəzi peşələri çətin vəziyyətə salmış ola bilər, lakin bu, çip istehsalçısı “Nvidia”ya kömək edir. Şirkətin səhmləri indiyədək 220%-dən çox dəyər qazanıb. Bu yaxınlarda açıqlanan ikinci rüb mənfəət hesabatı, bazar gözləntilərinin üst-üstə düşdüyünü sübut edir.
Qaynarinfo xəbər verir ki, süni intellektin super gücünə çevrilən “Nvidia”nın baş direktoru və həmtəsisçisi Censen Huanın hazırda sərvəti 42 milyard dollardır.
Şirkətin bazar dəyəri səhm qiymətində 220 faizdən çox artımdan sonra təxminən 1,2 trilyon dollara çatıb.
Kaliforniyada yerləşən çip istehsalçısının səhm qiymətindəki bu artım şirkətin birinci və ikinci rübdə rekord qıran nəticələrinin məhsuldar süni intellekt partlayışına təkan verməsindən sonra baş verib.
Nəticədə “Nvidia”nın baş direktoru Censen Huanın sərvəti bu il 28 milyard dollar artıb və “Bloomberg Milyarderlər İndeksi”nə görə onu dünyanın 28-ci ən varlı adamı edib.
Şirkətin 2023-cü il hesabatına görə, Huan 86,9 milyon “Nvidia” səhminə sahibdir.
“Bloomberg”in məlumatına görə, Huan 1963-cü ildə Taypeydə anadan olub və uşaqlığının bir hissəsini Tayvan və Taylandda keçirib.
Huanq ailəsi 1973-cü ildə Cənub-Şərqi Asiya ölkəsindəki sosial iğtişaşlar səbəbindən uşaqlarını ABŞ-dakı qohumlarının yanına göndərib. Sonradan özləri ora köçüb.
Huanın 2002-ci ildə “Wired”ə verdiyi müsahibəyə görə, o zaman Vaşinqtona yeni mühacirət etmiş xalası və əmisi səhvən onu və qardaşını Kentukki islah evi hesab edilən Oneida Baptist İnstitutuna göndərib.
“Uşaqlar həqiqətən sərt idi. Onların hamısının bıçaqları var idi və dava edəndə xoş şeylər olmurdu. Yenə də orada keçirdiyim vaxtı çox sevirdim. Amma biz çox çalışırdıq”, deyə Huan bildirib.
Məktəbdəki bütün tələbələr işləməli imiş və Huanın işi tualetləri təmizləmək olub.
2019-cu ildə Huan və həyat yoldaşı Lori qızlar üçün yataqxana və sinif otaqları tikmək üçün bu məktəbə 2 milyon dollar bağışlayıb.
Huan və qardaşı daha sonra Oreqona köçüb və beləliklə, ailəsi ilə qovuşub.
Bitirdiyi Oreqon Dövlət Universitetinin (OSU) arxiv sənədlərinə görə, o, Beavertonda orta məktəb şagirdi olarkən yeniyetmələr arasında stolüstü tennis üzrə çempion olub.
1984-cü ildə universiteti bitirib. İllər sonra, Milli Tayvan Universitetinin məzuniyyət mərasimindəki əsas nitqində o, “Məzun olmaq üçün əla il idi”, deyib. Elə həmin il ilk “Mac” kompüterləri buraxılıb və fərdi hesablamaların yeni dövrü başlayıb.
O, həmçinin Stanford Universitetində elektrik mühəndisliyi üzrə magistr dərəcəsinə malikdir.
Həyat yoldaşı Lori Millslə kollecin birinci ilində tanış olub. Mills onun elektrik mühəndisliyinin əsasları kursunda laboratoriya partnyoru olub. Beş il sonra evləniblər. Cütlüyün iki övladı var.
“Nvidia” veb saytındakı biosuna görə, Huan məzun olduqdan sonra “LSI Logic” və “Advanced Micro Devices” çip şirkətlərində müxtəlif vəzifələrdə çalışıb. “LSI Logic”dən ayrıldıqdan sonra 1993-cü ildə bir restoranda “Nvidia”nı qurub.
“Wall Street Journal”ın 2020-ci ilin sentyabr məlumatına görə, “Nvidia” 30 il əvvəl “Denny’s” adlı bir restoranda qurulub. Burada o, iki dostu – Kris Malakovski və Kurtis Priem ilə görüşüb.
2010-cu ildə verdiyi müsahibədə Huan deyib ki, dostları o vaxt başqa işlərdə işləyirdilər və üçü həmin gün “qrafika şirkəti qurmağın yaxşı fikir olub-olmadığını müzakirə edib: “Həmin gün biz beyin fırtınası apardıq və bunun necə bir şirkət olacağını xəyal etdik. Əyləncəli idi”.
2010-cu ildə “New York Times”a verdiyi müsahibəyə görə, “Denny’s” Huanın tələbə vaxtı yarı zamanlı işlədiyi yerdə olub. Orada insanlarla daha yaxşı ünsiyyət qurmağı öyrənib. O, həmin dövrü belə təsvir edir:
“Mən çox yaxşı tələbə idim. Həmişə qərarlı və əzmli idim. Amma çox introvert idim. İnanılmaz dərəcədə utancaq olmuşam. İnsanlarla danışmaq ehtimalı məni dəhşətə gətirirdi. “Denny’s”də ofisiant olmaq məni öz qabığımdan çıxaran bir təcrübə oldu”.
İndi Huanən 60 yaşı var. Beləliklə, o, müvafiq olaraq 52 və 57 yaşında gündəlik şirkət işlərini tərk edən Bill Qeyts və Ceff Bezosdan daha yaşlıdır. Amma “yaşlandım” təqaüdə çıxmaq istəmir:
“”Mənim üçün mütün dostlarımla birlikdə öz dövrünə damğa vuran bir şirkət qurmaqdan daha əyləncəli bir şey yoxdur. Bundan başqa bir şey etmək istədiyimi təsəvvür edə bilmirəm”.
