İŞİD Rakkaya girdi: ABŞ əsgərləri öldürüldü

İŞİD terror təşkilatı Suriyanın Rakka şəhərinin mərkəzində ABŞ-ın dəstəklədiyi PKK/PYD qruplaşmasına hücum edib.

Axar.az xəbər verir ki, İŞİD-çilər əvvəlcə Meşləbə, daha sonra isə Rakka-Səmra səmtinə zirehli texnikalarla girib. İki səmti ələ keçirən İŞİD xeyli PKK-çını qətlə yetirib. Döyüşlərdə bir neçə ABŞ əsgərinin də öldüyü və yaralandığı bildirilib.

Üçüncü hücumu şəhərin mərkəzindəki Vətən Xəstəxanası bölgəsinə təşkil edən terrorçular buranı da ələ keçiriblər.

Qeyd edək ki, ABŞ liderliyindəki koalisiya qüvvələri yayda həyata keçirilən əməliyyatlardan sonra Rakkanın böyük hissəsini İŞİD-dən azad etmişdi.