“Azərbaycanla Ermənistan arasında sərhədlərin açılması və tranzitin asanlaşdırılması regionun uzunmüddətli mübahisələrə son verə, Qafqazı Avropa ilə Asiya arasında strateji körpüyə çevirə bilər”.
Tribunainfo.az xəbər verir ki, bu fikirlər İranda yayınlanan “Tejarat News” saytında dərc olunmuş məqalədəndir.
Yazıda qeyd edilir ki, Vaşinqtonda Azərbaycan və Ermənistan liderlərinin görüşü illərlə davam edən münaqişədə dönüş nöqtəsi sayıla bilər. “Sülh sazişinin həm Ermənistan, həm də Azərbaycan üçün iqtisadi və təhlükəsizlik baxımından ciddi faydaları var. Bakı üçün Qarabağ problemi qapanacaq, İrəvan üçün isə dəhliz mövzusunda hərbi risk aradan qalxacaq”.
Sayt sonda qeyd edib ki, Cənubi Qafqazda yeni dövrün başlanğıcı üçün real fürsət yaranıb. “Lakin bu, həm də böyük sınaqdır – xüsusilə Zəngəzur və Qarabağ məsələləri ilə bağlı”.
Fərda Uğur
