ABŞ prezidenti Co Baydenin administrasiyası bəyan edib ki, İranın Rusiyaya mümkün ballistik raketlər təhvil verməsi Tehranın Kremlin Ukraynaya qarşı hərbi təcavüzünə dəstəyinin “dramatik eskalasiyası” anlamına gələcək.
Tribunainfo.az Reuters-ə istinadən xəbər verir ki, bu barədə Ağ Evin Milli Təhlükəsizlik Şurasının sözçüsü Şon Savett bildirib.
Amerika rəsmisi qeyd edib ki, ABŞ Ukraynaya genişmiqyaslı işğalın əvvəlindən Rusiya Federasiyası ilə İran arasında müdafiə tərəfdaşlığının dərinləşməsi barədə xəbərdarlıq edib və bu xəbərlərdən narahatdır.
Ağ Evin nümayəndəsi qeyd edib ki, ABŞ bu dəfə mümkün nəticələrə eyham vurub. Şura belə bir bəyanatla Qərb mediasının Tehranın Rusiyaya ballistik raketlər ötürməsi ilə bağlı nəşrləri fonunda çıxış edib.
“İranın ballistik raketlərinin Rusiyaya hər hansı təhvil verilməsi İranın Rusiyanın Ukraynaya qarşı təcavüzkar müharibəsinə dəstəyinin dramatik şəkildə artması demək olacaq”, o vurğulayıb.
Digər ABŞ rəsmisi Reuters xəbər agentliyinə bildirib ki, Vaşinqton İran-Rusiya raketlərinin mümkün hərəkətlərini diqqətlə izləyir.
