Ərəbdilli “Əl Vəfaq” qəzeti Rusiya-Ukrayna müharibəsindən sonra Cənubi Qafqaz ölkələrinin nələr qazandığı məsələsini araşdırıb. Tribunainfo.az xəbər verir ki, nəşr “Qafqazın şahidi olduğu transformasiyalar çərçivəsində: Tiflis və Bakı Rusiya-Ukrayna müharibəsindən necə qazandı?” başlıqlı məqalə dərc edib.
Qəzet yazır ki, baş verənlər fonunda Qafqaz ölkələri xarici siyasətlərini dəyişmək məcburiyyətində qalıb.”Hazırda bölgə böyük dövlətlərin rəqabət meydanına çevrilib”.
“Əl Vəfaq” qeyd edir ki, qarşıdakı illər regiona böyük dəyişikliklər gətirəcək. “Bu dəyişikliklər əsasən Rusiya ilə Qərb arasında Ukraynada və başqa yerlərdə geniş münaqişənin necə inkişaf etməsindən asılı olacaq”.
ərəbdilli nəşr vurğulayır ki, Qərb ölkələri Rusiya ilə Qərb arasında ticarəti ciddi şəkildə məhdudlaşdıran sanksiyalar və digər məhdudiyyətlər tətbiq etdikdən sonra Qafqaz davamlı ticarət axını üçün təbii bir əlaqəyə çevrildi. “Birdən-birə Rusiyanı bütün regionda xarici aləmə bağlayan bir neçə əsas magistral və dəmir yolu xarici güclər üçün daha dəyərli və vacib oldu”.
“Əl Vəfaq” iddia edir ki, Bakı fürsətdən istifadə edir. “Ukraynadakı müharibədən sonra yaranan yeni ticarət axınlarının xəritəsi Xəzər dənizində neftlə zəngin respublika olan Azərbaycanın hesablarına da təsir etdi. Avropaya Azərbaycanın qazı Rusiya tədarükünün böyük hissəsini kəsmək qərarına gəldikdən sonra lazım idi. Digər tərəfdən, Azərbaycanın yerləşdiyi yer nəqliyyat və ticarət üçün qarşı-qarşıya gələn tərəflər üçün əhəmiyyətli olmuşdu”.
Qəzet yazır ki, hadisələrin fonunda birdən bütün tərəflərə Azərbaycan Respublikası lazım oldu. “Bu, Əliyevi bütün Qarabağ bölgəsinə nəzarəti ələ keçirmək üçün qətiyyətlə hərəkət etməyə ruhlandırmaq imkanı verdi. Elə fürsət yaranan kimi, Azərbaycan işğal altında olan ərazilərini düşməndən təmizlədi və suverenliyini bərpa etdi”.
Qəzet yeni nəqliyyat yolları barədə də yazıb və bildirib: “Bakı öz Naxçıvan anklavını daha sonra Türkiyəyə uzanacaq Trans-Ermənistan Dəmir Yolu ilə birləşdirəcək əsas ticarət əlaqəsinə nəzarət etməyə çalışır. Bu, həm də Rusiya ilə Türkiyə arasında birbaşa dəmir yolu əlaqəsi yaradacaq”.
