“Qafqazda İran və Rusiya arasında ağır rəqabət gedir”. Tribunainfo.az xəbər verir ki, bu fikirlər İranda yayınlanan “Khabarfori” saytında dərc olunmuş məqalədəndir.
Orada qeyd olunur ki, Ermənistan Rusiya ilə İran arasındakı rəqabətin mərkəzindədir. Lakin sayt hesab edir ki, Azərbaycan qatı düşməni ilə yenidən üz-üzə gəlməli olacaq. “Bu həftə COP konfransında dünya liderlərini qəbul etməklə qlobal səhnədə böyük addım atan Azərbaycan öz qatı düşməni ilə yenidən üz-üzə gəlmək perspektivindən də narahatdır”.
Yazıda Azərbaycanın Qafqazda oynadığı roldan, bunun üstünlüklərindən, habelə İran üçün yaratdığı çətinliklərdən də bəhs olunur. Eyni zamanda, Qafaqazda Qərblə İranın mövqelərinin üst-üstə düşməsindən də danışılır. “Hazırda İranla münaqişədə olan bəzi Qərb ölkələrinin Qafqazdakı maraqları – müharibənin qarşısını almaq və Rusiyanın təsirini azaltmaq – Tehranla uzlaşır”.
