İran prezidenti İbrahim Rəisi Ermənistanın baş naziri Nikol Paşinyanla telefon danışığında bəyan edib ki, Ermənistanda keçirilən erməni-amerikan hərbi təlimləri macəradır, təhlükələrlə doludur.
Tribunainfo.az Hraparak nəşrinə istinadən xəbər verir ki, İranın xarici işlər naziri Əmir Hüseyn Abdullahyan ER XİN rəhbəri Ararat Mirzoyanla telefon danışığında da oxşar fikri bildirib.
Bununla belə, İran Ermənistana münasibətini sərtləşdirib, çünki bu, erməni tərəfinin əsas düşməni ABŞ-la hərbi əməkdaşlığından gedir. Düzdür, İran liderləri öz çıxışlarında Tehranın regionda istənilən sərhəd dəyişikliyinə qarşı olduğunu bir daha təsdiqlədilər, lakin bu, təsəlliverici və diplomatik janrdadır.
Analitiklər Tehran və Bakının rəsmi nümayəndələri arasında əlaqələrin aktivləşməsinə diqqət çəkirlər. Xüsusilə, İran Silahlı Qüvvələri Baş Qərargahının Müdafiə Diplomatiyası və Beynəlxalq Əlaqələr Departamentinə rəhbərlik edən general Məhəmməd Əhədi, bir neçə gün əvvəl o, Azərbaycanın paytaxtına səfər edib və İslam İnqilabı Keşikçiləri Korpusunun qüvvələrinin cəmləşməsi ilə bağlı iddiaları qəti şəkildə təkzib edib.
İranın Təsnim xəbər agentliyinin məlumatına görə, Bəzrpaş Tehranın Azərbaycanın və digər region ölkələrinin ərazi bütövlüyünü dəstəklədiyini, həmçinin Ermənistan və Azərbaycana gərginliyi azaltmaq üçün kömək etməyə hazır olduğunu bildirib.
Tehranın siyasətində baş verən son dəyişikliklərə əsasən, İslam Respublikası Ermənistana görə Azərbaycan və xüsusilə Türkiyə ilə münasibətlərini daha da mürəkkəbləşdirmək istəmir və İrəvanın Qərblə yaxınlaşması fonunda balanslı mövqe tutmağa çalışır.
Məlumatda deyilir ki, Hərbi, diplomatik və hökumətlərarası səviyyələrdə İran-Azərbaycan təmaslarının nəticələrini ümumiləşdirərək ehtimal etmək olar ki, son vaxtlar Tehran-Bakı münasibətlərində hökmranlıq edən gərginliyin pik nöqtəsində tərəflər tərəfdaşlıq və konstruktiv dialoq yoluna qayıdıblar. Ermənistan isə faktiki olaraq digər dost ölkə İranın da etibarını və dəstəyini itirir. Vəziyyət həqiqətən təhlükəlidir.
