Dəhşətli istilərin dünyanın sonunu gətirməsi ilə bağlı yayılan xəbərlər yalandır. Bunlar insanları təşvişə salmaqdan başqa bir şey deyil.
Dəhşətli istilərin dünyanın sonunu gətirməsi ilə bağlı yayılan xəbərlər yalandır. Bunlar insanları təşvişə salmaqdan başqa bir şey deyil.
Bu sözləri Axar.az-a açıqlamasında Milli Ekoloji Proqnozlaşdırma Mərkəzinin rəhbəri Telman Zeynalov söyləyib.
“İyun ayının axırı olmağına baxmayaraq, havalar hələ də istiləşməyib. İstiləşmə barədə yayılan xəbərlər yalandır. Əksinə, hazırda havaların soyuma prosesi gedir. Bu proqnozları irəli sürən alimlərin dedikləri sadəcə nağıldır. Havanın istiləşməyindən və soyumağından asılı olmayaraq, su qıtlığı da yarana bilər, sərinləşmə də baş verə bilər, aclıq da ola bilər. Çünki quraqlıq baş verir, su çatışmazlığı olur. Bunların hamısı Allahdan asılıdır.
Mən rəhbərliyi Vaşınqtonda yerləşən Qlobal Ekoloji Fondun Azərbaycandakı nümayəndəsiyəm. Orada da çıxış edirəm ki, insanları yalan, uydurma proqnozlar ilə qorxutmaq lazım deyil”, – deyə o bildirib.
Qeyd edək ki, bundan öncə britaniyalı və amerikalı alimlər XXI əsrin sonunda dünyada istiləşmənin həddən artıq yüksələcəyi ilə bağlı proqnoz veriblər. Onlar bu istiləşmələr nəticəsində dünya əhalisinin dörddə üç hissəsinin yox olacağını söyləyiblər.
