Türkiyədə İnstaqrama giriş bloklandığı üçün istifadəçilər VPN-dən istifadə etmək məcburiyyətində qalıblar. Ekspertlər isə bunu çıxış yolu olaraq görmürlər.
Tribunainfo.az Türkiyə KİV-ə istinadən xəbər verir ki, onların sözlərinə görə, pulsuz VPN-lərdə təhlükəsizlik zəifliyi var və parollarınız, şəxsi məlumatlarınız oğurlana ya da satıla bilər.
Bu səbəbdən VPN-dən istifadə böyük risk daşıyır:
“VPN-ə qoşulmanın ən böyük riski internet trafikinin monitorinqidir. Onlar daxil etdiyiniz saytları, parollarınızı və şəxsi məlumatlarınızı ələ keçirə bilərlər. İnternet tarixçəniz sızdırıla bilər”.
İnternetdə istifadə olunan bəzi proqram təminatına quraşdırılmış VPN-lər məlumat toplayır və onları reklamla məşğul olanlara satır və qeyri-qanuni istifadə edirlər. Bu vəziyyət internet bankçılıq və e-Hökumət kimi kritik platformalara daxil olmaqda böyük risklər yaradır.
