Beyin mütəxəssisləri bir insanın psixopat olduğunu ortaya qoya biləcək incə bir xüsusiyyət aşkar etdilər.
Tribunainfo.az Milliyet-ə istinadən xəbər verir ki, tədqiqatçılar İngiltərədə 200-dən çox könüllü ilə göz izləmə təcrübələri aparıblar.
Mütəxəssislər psixopatik meylləri olanların daha incə detalları görməkdə çətinlik çəkdiklərini, lakin böyük mənzərəni görməkdə güclü olduqlarını tapıblar.
Kanberradakı Avstraliya Milli Universitetinin mütəxəssisləri üç psixopatik xüsusiyyəti nəzərdən keçirdilər: antisosial davranış, eqosentrizm və həssaslıq.
Alimlər könüllülərdən çoxlu kiçik hərflərdən ibarət böyük hərflərə baxmağı xahiş edib və onlardan hansına ilk diqqət yetirdiklərini soruşublar. Antisosial davranışda yüksək bal toplayan insanlar diqqətlərini cəmləməkdə çətinlik çəkirdilər. Onlar tez-tez əvvəlcə böyük hərflərə diqqət yetirirdilər, yəni böyük mənzərəni ən yaxşı şəkildə görə bilirdilər.
Antisosial insanlar məclisdə və ya sosial mühitdə diqqətlərini yayındırmamaqda çətinlik çəkirlər.
Psixoloqlar Stephani C. Gudhev və Mark Edvards, “Psixopatik şəxsiyyət xüsusiyyətlərinin eqosentrizm, apatiya, impulsivlik və antisosial davranış kimi bir çox ölçüləri var. Nəticələrimiz göstərir ki, daha yüksək səviyyədə impulsivlik və antisosial davranış nümayiş etdirən insanlar diqqətlərini tənzimləməkdə çətinlik çəkirlər”, – deyə bildiriblər.
Tədqiqatçılar indi psixopatlara diqqəti cəmləməyi öyrətmək üçün onlara müdaxilənin onların antisosyal olmalarına mane olub-olmadığını araşdırırlar.
Dəniz
