İngiltərənin ən böyük şəhərlərindən biri olan Birmingem Şəhər Şurası bu gün 760 milyon funt-sterlinq bərabər əmək haqqı ödənişləri səbəbiylə müflis olduğunu açıqladı.
Tribunainfo.az TRT Haber-ə istinadən xəbər verir ki, Avropanın ən böyük yerli hökumətlərindən biri olan Birmingem Şəhər Şurasının bu gün verdiyi bəyanatda deyilir: “Asambleya hələ də bu günə qədər yığılmış bərabər ödəniş öhdəliyini (650 milyon ilə 760 milyon arasında) maliyyələşdirmək iqtidarındadır, lakin bunun üçün resurslara malik deyil”.
Bəyanatda vurğulanır ki, səlahiyyətlilər artıq mövcud olan xərclərə nəzarəti gücləndirsə də, iflas, həssas və hüquqi xidmətlərin qorunmasından başqa bütün yeni xərclərin dərhal dayandırılması deməkdir.
Bələdiyyədə çalışan, əksəriyyəti qadınlardan ibarət yüzlərlə insan 2012-ci ildə Ali Məhkəməyə müraciət edərək kişilərin üstünlük təşkil etdiyi vəzifələrdə çalışan kadrlara verilən mükafatları ala bilmədiklərini bəyan ediblər.
Ali Məhkəmə isə “ayrı-seçkilik” səbəbiylə işçilərin xeyrinə qərar çıxarıb və Şəhər Şurasına bu vəzifələrdə çalışanlara “bərabər maaş tələbləri” adı altında mükafatlar ödəməyi əmr edib.
Birmingem Şəhər Şurası bu mövzuda indiyədək faydalananlara 1,1 milyard funt sterlinq ödəyib.
