Xəbər verdiyimiz kimi, ötən gün türkiyəli müğənni Özcan Deniz infarkt keçirib.
Tribunainfo.az-ın Türkiyə KİV-ə istinadən məlumatına görə, hazırda evində dincələn sənətçi sosial şəbəkə hesabından səhhəti ilə bağlı açıqlama yayıb.
“Narahat olan, zəng edən, soruşan hər kəsə, bütün dostlarıma və sevənlərimə təşəkkürümü bildirirəm. Çəkiliş meydançasında bir narahatlıq yaşadım. Həkimimin müdaxiləsi və əziz həyat yoldaşımın evdə qayğısı sayəsində hər şey arxada qaldı. Olduqca yaxşıyam”, – deyə Özcan paylaşımında bildirib.
Qeyd edək ki, aktyor “Kızıl Goncalar” serialının çəkiliş meydançasında huşunu itirib. Buna səbəb kimi onun anası ilə yaşadığı problemlər göstərilib.
