“Paşinyanın Fransanı danışıqların tərəfinə çevirmək istəyi sülh prosesinə ziyan vurmaqla yanaşı, Avropa Birliyi kimi vacib, hər iki ölkə ilə imzalanmış sənədlərlə münasibəti, danışıqlar aparmaq səlahiyyəti, imkanları olan qurumu da gözdən, nüfuzdan salır”.
Tribunainfo, az-ın məlumatına görə, bunu iqtisadçı ekspert Natiq Cəfərli öz sosial şəbəkə hesabında yazıb.
“İndi Azərbaycan XİN-nin, diplomatiyasının üzərinə ciddi iş düşür – bütün “de-facto” və “de-jure” ittifaqları işə salaraq dünya siyasətində Ermənistanın Rusiyanın təkidi ilə sülh danışıqlarını pozmaq cəhdini, Moskvanın bölgədə yeganə moderator, “hakimi-mütləq” olmaq istəyini İrəvan vasitəsi ilə həyata keçirdiyini və Fransanın, Makronun da faktiki olaraq Rusiyanın, Putinin əlinə, marağına oynadığını hər gün hər bir müstəvidə, nüfuzlu media qurumlarında dilə gətirmək lazımdır.
İndiki geo-siyasi vəziyyət Azərbaycana ciddi üstünlüklər verir – Qərbin iki əzəli düşmənindən Rusiya və İran Ermənistanın müttəfiqləri qismində çıxış edirlər, Fransa isə Kremlin maraqlarına uyğun AB və Vaşinqtonun sülh səylərini pozmaqla məşğuldur. Bütün tribunalardan istifadə edilməli, bu tezislər dünya siyasətinin gündəliyinə salınmalıdır”- o qeyd edib.
Tribunainfo, az
