İmişli rayon İcra Hakimiyyətinin son bir ayda keçirmək istədiyi daha bir tender ləğv edilib.
Tribunainfo.az xəbər verir ki, söhbət büdcədənkənar (xüsusi) vəsait hesabına İmişli rayonunda şəhid ailələrinin yaşadığı və şəhid adı verilmiş küçələrdə yolların əsaslı təmiri dən gedir.
Rəsmi məlumata görə, İcra Hakimiyyəti bu məqsədlə 500.665,74 manat pul ayırıbmış. Lakin Anti İnhisar və İstehlak Bazarına Nəzarət Xidməti dövlət qurumunun qanunun tələbini pozduğunu əsas tutaraq, İmişli İcra Hakimiyyəti barəsində 03 oktyabr 2024-cü il tarixli AİBNDX/SQ-9917/2024 nömrəli qərar qəbul edib. Qərarda İmişli İH-nın qiymət şişirtdiyi, xərcləri məqsədli böyütdüyü qeyd edilib.
Xatırladaq ki, bir müddət əvvəl İmişli İcra Hakimiyyətinin daha bir tenderi ləğv edilmişdi. Həmin tender də İmişli şəhərinin küçələrinin abadlaşdırılmasını əhatə edirdi.
