Twitter-in keçmiş və indiki əməkdaşlarının dərc etdiyi yeni hesabatda maraqlı iddialar səsləndirilib. Həmin iddialardan biri də İlon Maskın “Twitter” işçilərinə etibar etmədiyi üçün hətta mühafizəçilərlə birlikdə tualetə getməsidir.
Tribunainfo.az Businessinsider-ə istinadən xəbər verir ki, hesabatda şirkətin həm keçmiş, həm də indiki işçilərinin açıqlamalarına görə, şirkətdə hər şey kənardan yaxşı görünə bilər, amma içəridə hər şey yanan binaya bənzəyir.
“Kənardan baxanda fasad yaxşı görünür, amma görürəm ki, heç nə işləmir. Bütün santexnika, bütün kranlar, hər şey xarabdır”
Adı açıqlanmayan başqa bir mühəndis Maskın Twitter işçilərinə etibar etmədiyi üçün qəribə davrandığını deyib. “Ofisdə hara getməsindən asılı olmayaraq, onun ən azı iki cangüdəni var. O, çox yöndəmsiz, uzunboyludur, Hollivud filminin mühafizəçiləri onu hamama qədər izləyirlər”.
İddialar arasında İlon Maskın bütün təmizlik və yemək hazırlayan işçilərini işdən çıxardığı və işçilərə ofis bitkiləri satmağa çalışdığı da var idi.
