“Azərbaycan İdman Akademiyası” publik hüquqi şəxsi qələm, düymə, dəftərxana bıçağı və digər məhsullara 120 min manata yaxın vəsait xərcləyəcək.
Pravda.az-ın xəbərinə görə, Akademiya bu məqsədlə “İntellekt M.A” MMC ilə müqavilə bağlayıb.
Müqaviləyə əsasən, Azərbaycan İdman Akademiyası ağardırıcı qələm, arxiv qovluğu, ayırıcı rəngli, bumvinil, dəftərxana bıçağı, düymə alınmasına görə “İntellekt M.A”ya 118 492 AZN ödəyəcək.
Qeyd: Akademiyanın rektoru Fuad Hacıyevdir. Nizamnamə kapitalı 10 AZN olan MMC-nin isə qanuni təmsilçisi Sadiq Müşviq oğlu Abdullayevdir. Şirkət bundan öncə, Dövlət Sərhəd Xidmətinin, “Bakı Şəhər Əsaslı Tikinti və Təmir” MMC-nin, Azərbaycan Memarlıq və İnşaat Universitetinin tenderlərinin qalibi olub.
