Müğənni İbrahim Tatlısesin jurnalistlərə müsahibəsi zamanı maraqlı anlar yaşanıb.
Sənətçiyə polisin üzərinə maşın sürən qızı Dilan Çıtak Tatlıseslə bağlı sual ünvanlanıb.
O əl hərəkəti ilə suala cavab verməkdən imtina edib. Dilan Çıtakın isə özünü onun qızı kimi təqdim etməsini qəbul etmədiyini vurğulayıb.
Sözügedən görüntüləri təqdim edirik:
Xatırladaq ki, Dilan Çıtakın maşınını polisin üzərinə sürdüyü görüntülər yayılıb. Videoda Dilanın polisin “saxla” əmrinə tabe olmayaraq onun üzərinə sürdüyü kadrlar əks olunub.
Hadisə Bodrumda Dilan istirahətdən qayıdarkən yaşanıb. O yol hərəkətİ qaydalarını pozub. Bu zaman polis saxlayaraq ondan sürücülük vəsiqəsini istəyib. Sənətçi qaçmağa çalışarkən avtomobilini polisin üzərinə sürüb. Daha sonra havaya atəş açılıb. O maşını saxlamaq məcburiyyətində qalıb.
Avtomobildən düşən Dilan Çıtak polisin müşayiəti ilə bölməyə aparılıb. Daha sonra isə o sərbəst buraxılıb.
