“Qarabağ”ın müdafiəçisi Kevin Medina Çempionlar Liqasındakı qorxulu epizoddan sonra sosial şəbəkədə ilk açıqlamasını verib.
Tribuna xəbər verir ki, kolumbiyalı futbolçu instaqram hesabında özünü narahat edən hər kəsə təşəkkür edib:
“Dəstək göstərən hər kəsə minnətdaram. Artıq özümü yaxşı hiss edirəm və işə qayıtmaq üçün səbirsizlənirəm. Mübarizəni davam etdiririk”.
Xatırladaq ki, “Napoli” – “Qarabağ” matçının 50-ci dəqiqəsində Medina rəqibin vurduğu topun təsirindən yıxılaraq huşunu itirmişdi. Həkim müdaxiləsindən sonra oyuna davam etmək istəsə də, bir neçə dəqiqə sonra səhhəti yenidən pisləşdiyi üçün meydanı tərk etmək məcburiyyətində qalmışdı.
