Türkiyə İqtisadi İnkişaf Agentliyinin (TİKA) sədri Abdullah Eren Azərbaycan Prezidentinin köməkçisi – Azərbaycan Prezidenti Administrasiyasının Xarici siyasət məsələləri şöbəsinin müdiri Hikmət Hacıyevlə görüşüb.
Tribunainfo.az xəbər verir ki, bu barədə TİKA sədri paylaşım edib.
Onun sözlərinə görə, görüşdə qurumun Azərbaycandakı fəaliyyəti ilə bağlı hərtərəfli məsləhətləşmələr aparıldı:
“Qardaşlığımızın ən gözəl təzahürlərindən biri olan bu səylər, ortaq tariximizin, mədəniyyətimizin və ruh birliyimizin təbii əksidir. Qarşıdakı dövrdə də layihələrimizi eyni qətiyyət və sevgi ilə davam etdirməyə davam edəcəyik və əlaqələrimizi daha da möhkəmləndirəcəyik”.
