Hərbi ekspert Ədalət Verdiyev tarix boyu İsraillə savaşa girən qüvvələrin aqibəti ilə bağlı yazı paylaşıb.
Tribunainfo.az sözügedən yazını təqdim edir:
1979-cu ilin yanvarında Mossadın “Allahın qəzəbi” adlı əməliyyatı zamanı 1972-ci il Münhen Olimpiadasında İsrail idmançılarının əsir götürülməsini planlaşdıran “Qara sentyabr” təşkilatının rəhbəri Əli Həsən Salame Beyrutda avtomobilin partladılması nəticəsində həlak olub.
1979-cu ilin iyulunda Kannda Mossad agentləri Suriya tərəfdarı Fələstin terror təşkilatı Əl-Saikanın rəhbəri Zuhair Mohseni güllələyib öldürüblər.
1988-ci ilin aprelində Tunisdə bir villada xüsusi əməliyyat zamanı Fələstin Milli Azadlıq Hərəkatının (Fəth) hərbi qanadının rəhbəri, Fələstin Azadlıq Təşkilatının sədr müavini Yasir Ərafat və çoxsaylı terror aktlarının təşkilatçısı Əbu Cihad kimi tanınan Xəlil əl- Vəzir güllələnərək öldürülüb.
1992-ci ilin fevralında İsrail Hərbi Hava Qüvvələrinin konvoya raket zərbəsi endirməsi nəticəsində Hizbullah hərəkatının lideri Şeyx Abbas əl-Musəvi Livanda öldürülüb.
1995-ci ilin oktyabrında Maltadakı otelin girişində Mossad agentləri Fələstin İslami Cihad terror hərəkatının banisini (Rusiya Federasiyasında terrorçu kimi tanınır) və onun ilk lideri Fəthi Şkakini güllələyiblər.
2002-ci ilin iyulunda Qəzzada İzəddin Əl-Qəssam briqadalarının (HƏMAS-ın hərbi qanadı) başçısı, hərəkatın yaranmasında mərkəzi rol oynamış Salah Şhadeh İsrail hava qüvvələrinin bir evə endirdiyi zərbə nəticəsində öldürüldü.
2004-cü ilin martında HƏMAS-ın ruhani lideri və qurucularından biri Şeyx Əhməd Yasin Qəzzada İsrail Hərbi Hava Qüvvələrinin raket zərbəsi nəticəsində öldürülüb. Yasinin varisi Abdel Əziz ər-Rantisi də bir ay sonra eyni şəkildə öldürüldü.
2008-ci ilin fevralında Hizbullahın kəşfiyyat xidmətlərinin rəhbəri və onun yaradıcılarından biri İmad Muğniyə Dəməşqdə avtomobilin partladılması nəticəsində öldürülüb. Rəsmi olaraq İsrail partlayışda iştirakını inkar edib.
2009-cu ilin yanvarında HƏMAS-ın daxili işlər naziri Səid Siam, HƏMAS-ın baş təhlükəsizlik rəisi Salah Əbu Şrah və İzaddin əl-Qəssam briqadalarının komandiri Məhəmməd Vətfa Qəzzada İsrail Hərbi Hava Qüvvələrinin hücumu nəticəsində həlak olublar.
2012-ci ilin noyabrında HƏMAS-ın hərbi qanadının komandiri Əhməd Cabari İsrail Ordusunun “Bulud sütunu” əməliyyatı zamanı Qəzzada öldürülüb.
2023-cü ilin dekabrında Dəməşqdə İran İslam İnqilabı Keşikçiləri Korpusunun (SEPAH) yüksək rütbəli generalı, Suriyada hərbi müşavir vəzifəsində çalışan Seyid Razi Musəvi İsrailin hava hücumu nəticəsində öldürülüb.
2024-cü ilin aprelində İranın Dəməşqdəki konsulluğuna İsrailin hava hücumu nəticəsində SEPAH quru qüvvələrinin keçmiş komandanı Məhəmməd Rza Zahedi öldürülüb. İran tərəfinin məlumatına görə, o, 2023-cü il oktyabrın 7-də HƏMAS-ın İsrailə hücumunun arxasında dayanıb.
2024-cü il iyulun 31-də HƏMAS lideri İsmayıl Haniyə İranın paytaxtı Tehran şəhərində öldürülüb.
Roman
