Qılman Eyvazovun müəllifi olduğu dərslik hazırda şagirdlərin istifadəsindədir
Dünən bəzi mətbu orqanlarda 10-cu sinif “Gənclərin çağırışaqədərki hazırlığı” dərsliyində erməni snayperinin fotosunun Azərbaycan əsgəri adı ilə təqdim edilməsi kimi məlumatlar gedib və bu ictimaiyyət tərəfindən qınağa səbəb olub. Sosial şəbəkələrdə də bu tənqidlə qarşılanıb və qızğın müzakirələrə səbəb olub.
Qeyd etdiyimiz kimi yayılan həmin məlumatda bildirilir ki,guya “”Şərq-Qərb” nəşriyyatı 10-cu sinif “Gənclərin çağırışaqədərki hazırlığı” dərsliyində erməni snayperinin fotosu Azərbaycan əsgəri adı ilə dərc olunub və bildirilir ki,bu foto “Azatutyun”un çəkdiyi erməni snayperinin fotosudur.
Lakin kiçik bir araşdırma aparanda məlum olur ki,Təhsil Nazirliyinin Tədris resurslarının idarə olunmasının məlumat sistemində yerləşdirilən 10-cu sinif “Çağırışaqədərki hazırlığı” dərsliyində haqqında söhbət açılan erməni snayperinin fotosu yer almayıb.
Qılman Eyvazovun müəllifi olduğu dərslik hazırda şagirdlərin istifadəsindədir.Və əgər bu belədirsə onda adı hallanan həmin fotonu, kitabı nəşr edənlərə qarayaxanların həmin kitabda necə görə bilmələri təəcüb və təəsüf doğurur.Yəni,olmayan bir şeyi fakt kimi göstərmək mümkünsüzdür və bu kimi araşdırılmadan mətbuatda gedən yazılar daha çox qərəzdən xəbər verir.
Maraqlıdır ki, adı hallanan həmin foto demək olar ki, hər gün bir çox yerli saytların atəşkəs haqqında xəbərlərində baş şəkil kimi geninə-boluna istifadə olunur və indiyəcən bu fakt heç bir müzakirəyə,qınağa səbəb olmayıb.
